Cammino c’ ’a pecundria ‘ncuollo e cu’ ‘ na borza mmane
E dinto n’ce metto tutt’ ’e ccose belle ca ‘ncontro a mmane a mane
So’ sempe pront ‘ ‘a cunoscere ata gente
Se ‘ncontrano perzone interessanti
Gente felice ca nun tene niente
Gente ca giudica ‘a copp’ ‘o piedistallo
Ma dinte feteno peggio ‘e dint’ ‘a ‘na stalla.
Gente ca soffre pe ‘nu delinquente
Ma ca a stiento poi rimane a galla.
Comunque, se a sentirli te riesce
Alla fine ognun’ ‘e chisto t’arricchisce.
I’ ca so’ stato furtunato , con il mio piglio molto positivo,
accussì e meglio amici aggiu truvato
e t’aggia dicere : me sento assai chiù vivo.
Mi piace ‘e zumpà da nu posto a nato,
quanno stong’ ‘a casa è sulo n’intervallo tra nu viaggio e nato.
Quaccheruno me po’ dicere ca me ne sto fujenno,
può darsi , ma almeno accussì sto cunuscenn‘’o munno !

Cammino c’ ‘ a pecundria ‘ncuollo e cu na borza mmano
E quanno s’è rignuta …ne tengo n’ata pronta all’ata mano.